Kom i gang som arrangør
Arrangørdelen av OriGo er ein eigen app, skild frå appen løparane brukar. Du kan hoppe rett inn i nettlesaren, eller laste ned arrangørappen.
1. Rett i nettlesaren: admin.ori-go.app
Delen «1. Rett i nettlesaren: admin.ori-go.app»Vil du berre kome i gang, opnar du admin.ori-go.app og loggar inn med den same kontoen du brukar elles i OriGo — ingenting å installere. Nettlesaren held godt til oppsett, påmelding, startlister og resultat. Brikkelesar og skrivar verkar i Chrome og Edge, men ikkje i Safari og Firefox.
2. Best oppleving: last ned den oransje arrangørappen
Delen «2. Best oppleving: last ned den oransje arrangørappen»Den beste opplevinga får du i ein av arrangørappane. Skal du arrangere løp, er det «OriGo: Arrangør» du skal laste ned — appen med oransje ikon. Den vanlege «OriGo»-appen med kvitt ikon er deltakarappen for løparar, og har ikkje arrangørfunksjonane.
For arrangørar — last ned denne
For løparar
- iPhone og iPad: «OriGo: Arrangør» i App Store.
- Android: «OriGo: Arrangør» i Google Play.
- PC, Mac og Linux: skrivebordsappen. Den tilrår vi på arena, for han koplar seg direkte til brikkelesaren og skrivaren.
3. Full tilgang krev arrangørrolle i Eventor
Delen «3. Full tilgang krev arrangørrolle i Eventor»Arrangørtilgangen kjem frå Eventor, så logg inn i OriGo og kople til Eventor-brukaren din under «Profil». Treningar og klubbløp kan alle medlemmer i arrangørklubben arrangere. Terminfesta løp — nærløp, krinsløp, nasjonale løp og meisterskap — krev at du står som arrangør eller administrator i klubben i Eventor for å få full tilgang. Har du ikkje det, får du varselet «Ingen arrangørtilgang», og løp du ikkje kan opne, er merkte «Manglar arrangørtilgang». Arrangørfunksjonane krev òg at klubben har lisens.
4. Gi funksjonærane ei rolle i løpet
Delen «4. Gi funksjonærane ei rolle i løpet»Funksjonærar som ikkje er arrangørar i Eventor, får tilgang frå ein som er det. Klubbarrangøren opnar løpet, går til «Innstillingar» og «Tilgangsstyring», og gir personen ei rolle i akkurat dette løpet: påmeldar, startar, målfunksjonær eller full arrangørtilgang. Personen må ha ein OriGo-konto kopla til Eventor for å kunne finnast der, og tilgangen gjeld berre det eine løpet.