Arranger ei trening
Ei trening med fri start og ugafla løyper blir sett opp på nokre minutt. Alle medlemmer i klubben kan gjere det — du treng inga arrangørrolle i Eventor.
1. Trykk «Opprett trening»
Delen «1. Trykk «Opprett trening»»Logg inn i arrangørappen. Knappen ligg nedst på startsida, over løpslista.
2. Gi treninga namn og tid
Delen «2. Gi treninga namn og tid»Namn, når ho startar og sluttar, og klubben når du er med i fleire. Resten har førehandsval. Er det same opplegget som sist, trykkjer du «Kopier oppsett frå eit anna løp» og vel førre trening — då følgjer klassane og løypene med.
3. Vel «Bruk enkelt oppsett»
Delen «3. Vel «Bruk enkelt oppsett»»Vegvisaren opnar seg på treninga. Kortet «Enkelt løp?» gir alle fri start, publiserer treninga i OriGo-appen og opnar direktepåmeldinga, så står berre løypene og publiseringa att.
4. Legg inn løypene
Delen «4. Legg inn løypene»Trykk «Legg til løype» og last opp løypefila frå Purple Pen eller OCAD, eller skriv postkodane sjølv. Med «Éin klasse per løype» på blir kvar løype ein klasse, så du slepp å lage klassar.
5. Publiser
Delen «5. Publiser»Trykk «Neste: Publiser». Sjekklista øvst skal vere grøn, og «Publiser i OriGo-appen» og direktepåmeldinga skal stå på — då kan løparane melde seg på i OriGo-appen og følgje resultata. Trykk «Ferdig».
6. På treningsdagen
Delen «6. På treningsdagen»Løparane melder seg på sjølve, eller i «Påmelding» på arena. Når dei kjem i mål, les du brikkene i «Målregistrering» — resultata er live med ein gong.