Set opp eit løp frå Eventor

Eit terminfesta løp kjem inn frå Eventor av seg sjølv, med klassane og påmeldingane. Du legg inn løypene, trekkjer startlista og publiserer. Du må stå som arrangør i klubben i Eventor, og klubben må ha lisens.

1. Opne løpet

Løpa klubben arrangerer, står på startsida. Trykk på løpet ditt.

2. Trykk «Set opp løpet»

Kortet står i sidemenyen, og viser kor langt du er komen. Vegvisaren hentar påmeldingane frå Eventor kvar gong han blir opna.

3. Last opp løypefila

Trykk «Legg til løype» og vel fila frå Purple Pen eller OCAD. Klassane blir kopla til løypene fila nemner. Ein klasse med «Ikkje valt» i raudt manglar løype — trykk på han og vel.

4. Trekk startlista

I «Startform» er dei klassane som skal ha trekt starttid, slått på. Sjekk første start og intervallet, og trykk «Trekk startlista».

5. Les gjennom trekninga

Etterpå står kor mange som fekk starttid. «Startliste (PDF)» gir lista klassevis, så du kan sjekke ho før ho blir publisert.

6. Del ut startnummer

Standarden er fortløpande nummer frå 100, og nye påmeldingar får nummer av seg sjølve. Står det at nokon manglar nummer, trykkjer du «Del ut startnummer».

7. Publiser

Sjekklista øvst viser det som manglar — trykk på ei rad for å rette ho. Trykk så «Publiser startlista i Eventor» og slå på «Publiser startlista» for appen. Løparane får starttida som varsel.

8. Publiser i OriGo-appen

Når påmeldinga i Eventor er stengd, trykkjer du «Hent påmeldingane frå Eventor» og slår på «Publiser i OriGo-appen». Då ser deltakarane påmelde og startliste frå OriGo, og livesenteret på løpsdagen.

Tips

Kjem det påmeldingar etter at du har trekt, får dei ei ledig reservetid. Trekk ikkje på nytt etter at startlista er publisert.

Gafla løyper, avgifter og fleirdagsløp

Er ei løype gafla, dukkar steget «Gaflingar» opp etter «Startnummer». Eit løp frå Eventor får òg steget «Avgifter og leigebrikker». Eit fleirdagsløp viser éin dag om gongen, med dagveljaren øvst i kvart steg.

• Oppsett av løpet: alle stega